«Caro don, xe pi grave ea pedofilia!»

el me scusarà se me permeto de scriverghe dato che gnanca mi son da Soesin, ma parto da a coa de a so lettera letta sul giornae; el gà nominà 4 pecai ma ghe digo mi quaeo che el xe veramente un pecà, uno che penso sia el pì grave de tuti al cospeto de Dio: a pedofilia! Tanti, troppi so coeghi, e varda tì anca quei laureai e anca quei fioi de na femena e de un omo, i gà rovinà a vita e l’anema de creature inocenti che inocentemente i se gaveva afidà a lòri. Tanti e massa so coeghi i gà coverto el pì atroce dei reati. E questo forse xe ancora péso del pecà stesso!

La invito, caro Don Ferdy, a pensar de pì a recuperar piegore scampae e a assar perdare e campagne eletorai dato che, sarìa utile ricordarghe, che Dio no gà nesuna tessera de Partito in scarsea.

E in questo nostro bel Paese, creà dal Signor par tuti, tuti e digo tuti, omosessuai o eterosessuai gà el diritto de candidarse a fare el Sindaco.

Co rispeto,

Berto da Piombin

P.S. Buon lavoro consigliere Matteo Pegoraro!